Os axudantes de biblioteca son alumnos e alumnas de 5º e 6º de Educación Primaria que voluntariamente se ofrecen para esta función.
As súa misión é colaborar cos mestres e mestras responsables da biblioteca en horario de recreo na xestión e organización da biblioteca sempre baixo a tutela da persoa encargada do préstamo. Tamén actuarán como monitores do resto de alumnos.
Tarefas a realizar:
- Axudar na procura de material sobre un determinado tema cando un profesor ou alumno o requira.
- Manter ordenados os libros e colocar no seu lugar as novidades da biblioteca.
- Colaborar no expurgo de fondos rotos ou en mal estado e na súa restauración cando sexa posible.
- Colaborar na celebración de determinadas conmemoracións na que participa a biblioteca.
- Colaborar na decoración da biblioteca.
- Encargarse de realizar as devolucións dos exemplares ao seu andel de libros procedentes de proxectos ou exposicións.
