O 23 de abril celebramos o Día Internacional do Libro.
Para celebrar este día dunha forma dinámica e creativa, este ano organizamos un Taller de Cómic que dirixirá Alfonso Barreiro, Fon, recoñecido autor e experto en narrativa gráfica.
O cómic é unha linguaxe única que combina a palabra coa imaxe, sendo unha porta de entrada excepcional para os lectores máis novos. A través deste obradoiro, os alumnos non só lerán historias, senón que se converterán nos seus propios autores.
Queremos que este Día do Libro sexa unha experiencia activa, onde os libros deixen de estar nos andeis para cobrar vida nas mans dos nosos alumnos.
